زندگی سے مری بنی ہی نہیں
یہ مجھے ٹھیک سے ملی ہی نہیں
۔
وقت ہوتا ہے میرے پاس بہت
پر مرے ہاتھ میں گھڑی ہی نہیں
۔
اس کی تعریف کر کے اٹھ آیا
کام کی کوئی بات کی ہی نہیں۔
ایک داسی نے بت بنایا مجھے
اور اب مجھ کو پوجتی ہی نہیں
۔
آگئی خلق لاش پر رونے
جیتے جی تو یہ پوچھتی ہی نہیں
۔
مسئلے اور بھی بہت ہیں مرے
محض عشق اور عاشقی ہی نہیں
بارے دنیا کے میری رائے ہے
یہ بری بھی ہے عارضی ہی نہیں
Comments
Post a Comment